Plantun de Prouvènço

Pèr coumpara dos planto d'encò nostre

Frankenia hirsuta & Ranunculus repens

Frankenia hirsuta

Frankeniaceae

Nom en français : Frankénie hirsute.

Descripcioun :
Aquesto erbo-franco trachis sus li roucas en ribo de mar. L'estiéu fai uno poulido tepiero de flour roso. La planto èi pelouso d'en pertout e li fueio, au contro de Frankenia pulverulenta, an si bord envertouia.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Aubret
Taio : 10 à 30 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Frankenia
Famiho : Frankeniaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 5 à 10 mm
Flourido : Printèms - Estiéu

Sòu : NaCl
Autour basso e auto : 0 à 50 m
Aparado : Noun
Abriéu à setèmbre

Liò : Roucas - Sablo - Mar
Estànci : Termoumediterran à Mesoumediterran
Couroulougi : Subretroupicalo
Ref. sc. : Frankenia hirsuta L., 1753

Crèbo-biòu

Ranunculus repens

Ranunculaceae

Àutri noum : Auriflam, Gros-boutoun-d'or.

Nom en français : Renoncule rampante.

Descripcioun :
Lou crèbo-biòu, uno meno de gros-boutoun-d'or (Var) trachis dins li relarg umide, èi pèr acò qu'èi pas toujour, au nostre, uno planto coumuno. Se recounèis à si fiéu (estouloun) que podon faire fin qu'à 2 mètre de long e que s'enracinon (fotò). Li sepalo rèston contro li petalo e lou fru èi lisc.

Usanço :
Coume tóuti li ranouncle, es uno planto empouisounanto, tambèn pèr li bèsti (crèbo-biòu). Pamens un cop seco o couito, l'anemonino caupudo èi trasfourmado e pu toussico. Se dis qu'èro manjado cuecho di tèms de carestié.